نـــــــــــــــــــــــــكـــــــــــــت تــــــــقــــــــــتلــــــــــكـــ مـــــن ــالـــضــــحــــكــ

السلام عليكم يابنات
كيف الحال؟؟
انشاءالله بخير حبيت اني انزل موضوع عــــن النـــكـــت
دري فالطوبيس مبغاش يسكت من البكاء امه قالت لواحد الراجل يخلق الله مايشاء : خلعو أسيدي الله يرحم الوالدين باش يسكت ، وهو يقول ليه: شوف انت غادي تسكت ولا نصرفق امك ..

هداواحد الإرهابي طلع لطوبيس هاز سيف.هو يقول للي راكب

للي ما كتنتهيش سميتو فللخر بكلمة الدين بحال( نور الدين) غادي ندبحو.مشا عند الأول قال ليه سميتك قال ليه صلاح الدين .الثاني نور الدين الثالث سيف الدين .هو يلقا واحد اللور كيترعد هو يقول ليه سميتك قال ليه هو كيترعد ههه بيتادين

هذا واحد لبخيل دا ولدوا معاه المرجان(سوبر ماركت)دخل الولد وجمع فشكلاط والحلوة وشبس وهو يقولوا باه شهادشي قالوا ولدوا كنبغيهم ابابا كنبغيهم وهو يقولو وبوسهم ورجعهم لبلاستهم.



واحد اسمه العائلي مالكي مشى يقضي شي غرض إداري قدم البطاقة ديالو الكنية مبيناش مزيان ، قالت ليه الموظفة شنو الإسم العائلي ديالك ؟ قال ليها مالكي ، هزت راسها وقالت ليه ممالنيش أخويا ..

دري صغير مني دخل عمه للدار وهوتيدور بيه..وتيقلب ليه فقفاه وفوجهو..استغرب وقال ليه :مالك أولدي تتشوف وتتقلب يا كما ضاعت ليك شي حاجة ؟قال ليه:لا لا عمي..تنقلب على وجهك الثاني..بابا تيقول عليك عندك جوج وجوه..


واحد دائماسامر على وحدة..تيظل النهار كامل واقف تيتسناها تخرج تدي الخبز للفران.. واحد النهار مبانتش ليه وخا هكاك بقى سامرعليها.. طلت امها وهو يبان ليها وهي تقول ليه:وسير أولدي إلى عندك شي شغل قضيه اليوم راحنا مفورين.. (عاملين كسكس)


واحد قال لخطيبته كي نكلاكسوني هبطي قالتلو علاه اشريت طوموبيل قالها لا شريت زمارة
هادو رباعة ديال ال

مكلخين ف الجامعة كيكتبوا داكشي اللي كيكتبه الأستاد ف السبورة. منين كيمسح الأستاد السبورة، كيقطعوا هوما الورقة

واحد البنت قالت لباها راه واحد ولد الناس بغى يخطبني وما فيه حتى عيب. قال ليها باها واخا، قولي ليه يجي نشوفو
جا الخطيب وجلس مع بات البنت وهو كيمضغ المسكة وهو يقول ليه الراجل: مرحبا بيك أولدي. ولكن واش ما جاتش ف شكل تمضغ المسكة ونتا جاي تخطب؟
قال ليه الشاب: ولكن أ عمي، المسكة ضرورية من بعد ما يكمي الواحد كارو
قال ليه الراجل: هي كتكمي؟
قال ليه الشاب: شوية وصافي، مع شي كويس ديال الشراب
قال ليه الراجل: وزايدها كتسكر؟
قال ليه الشاب: مرة مرة، ملي كنقمر
قال ليه الراجل: وفين كتلعب القمار؟
قال ليه الشاب: ف واحد الكاباري
قال ليه الراجل: ومن إمتى ونتا كتمشي للكاباريهات؟
قال ليه الشاب: من نهار خرجت من الحبس
قال ليه الراجل: وعلاش دخلتي الحبس؟
قال ليه الشاب: حيت ضربت واحد الراجل بالموس وقتلتو
قال ليه الراجل: وعلاش قتلتيه؟
قال ليه الشاب: حيت ما بغاش يجوجني بنتو
قال ليه الراجل: على بركة الله، نجيبو العدول دابا

واحد الكلب دايع ف الزنقة داز حدا الكوميسارية و هو يبان ليه واحد شيان بوليس (كلب بوليسي) و هو يقول ف راسو: تفو! كون غير كملت قرايتي

هادا واحد الفار سكران بزاف، شافه واحد المش فيه الجوع و بدا يجري عليه باش ياكله. منين بغاو يقطعوا الشانطي، المش دازت عليه طوموبيلة طحناته، و الفار سخف. منين فاق الفار و لقى المش حالته و هو يقول: أواه! واش أن غير نسكر ندير مصيبة

هادو جوج بنات معكازات بغاو يشدوا طاكسي، شيروا ليه و هو يحبس ليهم
وحدة قالت لصاحبتها: تفو! وقف لينا فين كنا غاديين

هادا واحد مشى لمطعم ف فرنسا، و عيط للجرسون: جرسون، بغيت حريرة عافاك.
قال ليه الجرسون: باردون؟
قال ليه لاخور: لا، ساخنون

حمار قال لخطيبته: إيمتا غادي نتجوجو أ الحمارة؟
قالت ليه: حتى تعرف تهدر أ الحيوان

واحد الوليد سول أمه: ماما، أنا كيفاش جيت للدنيا؟
قالت ليه أمه: غير حطيت شوية د السكر تحت الموكيط و نتا تجي.
ناض الولد حتى هو حط شوية ديال السكر تحت الموكيط. من بعد يومين رجع يشوف و هو يلقى سراق الزيت و هو يقول ليه: كون ما كنتيش ولدي، كون قتلتك


واحد المعلم سول التلاميد: أشنو المعنى ديال كلمة سبيل و أشنو المعنى ديال كلمة سلسبيل
جوابه واحد التلميد: سبيل هو طريق و سلسبيل هو طرطريق
قالك هدا واحد الراجل كان معاه كلبة كانيش وهو يقوليه واحد صاحبوا مكلخ منين جبتيه قالوا خدمتوا(يعني سرقتوا) مشى لمكلخ على نيتوا وهو يجيب ليه خنشة ديال الصوف وقال الله يحفظك لما اخدم ليا 2 كانيشات واللي شاط صاوب ليا بيه مشة

* هدا واحد قال لمرتو إلا ولدتي دري نسميوه مبروك و إلا ولدت بنت نسميوها مبروكة.
نهار ولدات جا عندو الدكتور قاليه ألف مبروك. هو إسخف

واحد مكلخ جالس مع صحابو او هما يبداو كيتكلمو على المنطق هو ما فهم والو او هو يسول واحد حداه او قال ليه "من صباح او نتوما كتهدرو على المنطق او انا غير كانشوف فيكم اشنو هو النطق؟"او هويقول ليه "عندك بريكا" قال ليه ايه او هو يقول ليه "يعني كتكمي " قال ليه ايه قال ليه "يعني كتجلس فلقهاوي" قال ليه ايه قال ليه" يعني كتبقا حاضي الي غادي او الي جاي" قال ليه ايه قال ليه "يعني كتصيد لبنات" قال ليه ايه قال ليه يعني "انت راجل" قال ليه ايه او هو يقول ليه هادا هو المنطق من بريكا عرفت عليك كلشي .او هو يمشي عند باه قال ليه واش عندك بريكا قال ليه لا او هو يقول ليه يعني انتا ماشي راجل

واحد الرجل تايتفرج في عرض ديال ملكة الجمال وجالس حداه ولدو شوية وهو يسولو : بابا بابا دبا هادو يهوديات ياك ؟ قال ليه والله مكاين شي يهودية قد امك...

كليك هاذا
واحد الفأر بغى يخطب واحد الفارة, ملي مشا عند واليديها قالت لو مت الفارة.غادي
نزوجك بنتي بشرط, تكتب ليها القادوس بسميتها

هذا محماد الشلح مول الحانوتة ، لقى ولدو تيشوف في شامبوان...وهو يصلع ليه.
هذا محماد الشلح مول الحانوتة، لقى ولدو تيشوف في سينيال..وهو يحيد الأسنان دياولو.

هدا واحد البخيل مشى للسوق الاسبوعي، وطلب كيلو ديال الكبدة مشوية، وهما يوقفو عليه الاهل ديالو، أهلا سي بوشعيب، وهو يغمض عين وقال ليهم؛ علاه السي بوشعيب عور.

دجاجة كتبيض البيض خاوي ، سولها مولاها : علاش كتبيض البيض خاوي، جاوباتو:أنا كنستعمل لولب الهلال، ما باغا أولاد.

واحد الكداب قال لصاحبو جدي كان عندو واحد الباطيما فيها 99طاج وهو يجاوبو صاحبو حتى انا جدي كان عندو واحد الحمار لعلو ديالو يوصل ل99 طاج.وهو يقول ليه الاخر وكيف تيدير حتى يركب عليه.جاوبو من فوق الباطيما ديال جدك
واحد المعلمة في الروض كتقري هاد الجيل ديال هاد الوقت .قالت لواحد الى قلتي ليا لحساب من واحد حتى الخمسة نعطيك بوسة كبيرة وهو ارد عليها قال ليها والى حسبت ليك حتى العشرة تمشي معايا الدارواحد المرة واحد 2 مراوات عروبيات ركبو التوبيس أو فيه 2 طبقات وحدة جلسات الفوق أو الأخرى جلسات لتحت أو قالت هاديك لي لفوق لهاديك لي لتحت واش جا الشيفور حنا بعدا مازال ما جا ديالنا
هادا واحد قرزاز عمرو كولو أو هو كايجمع لفلوس واحد المرة مشا داهوم البنك أو بقا كايتسنا حتا سدات البنك أو هو يزيد قفل آخر

قلك هدا وحد الاستاد فال لتلاميد لي كيحس براسو مكلخ يوقف شوية وهو يوقف واحد التلميد وهو يقول ليه الاستاد علاش كتحس براسك مكلخ قاليه لا انا وقفت حيت شفتك واقف بوحدك


هذا تيقلب على امراة نية واحد النهار تيدور في السوق تلاقا مع واحدة تتسول غلى بطاطة تتقول للخضار بشحال الكرعة تيقوليها الخطار هذ بطاطة ماشي الكرعة تتكول ليه هاك الفلوس خوذ لي بيتي ورد لي بيتي او هو يقول صاحببنا هذه هي المراة لي بغيت تبعها لدارهم خطبها تزوج بها داها دارو صاحبنا مبلي بحشيش نسا واحد طرف ديال الحشيش في دار فاش رجع لدار تيقلب الى الطريف ديال الحشيش سول لمراة قاليها واش ما شفتيش واحد طريف بحال الغيس بحال الشكلاط قال ليه واش طرف ديال الحشيش قال ليها انت مغرفاش البطاطة او عارفة حشيش قالت ليه هذاك النهار كنت مبوقة

عائلة ديال المعاكيز بغات تسخر الام واحد من ولادها الجوج .قاليها الكبير : انا خاصني ساعة باش نحل الباب وساعة باش نخرج وساعة فالطريق ديال المشي وساعة ديال الرجعة جاوبو الصغير : والبرق هادا
زقرام شرا خبرة..شفرها ليه شمكار تبعو… مني شافو مشا عليه.. قال ليه سير صدقة ورحمة الوالدين





ابي ردودكم

هههه ـرـوعـــــهـ مـــشـــكــورهـ يــاعـــســـل.

روعه مشكوره اللله يعطيك العافيه انشاء اللله
[ندعوك للتسجيل في المنتدى أو التعريف بنفسك لمعاينة هذه الصورة]

خخخ مَ ففهمت شي
آحسسهم يتكللمونن مغغربيي ولا تؤؤنششي
=))
ع العموم آحترامي لك

بس انه طويله بس عادي كل شي ء يجيء من شوشو اكيد بيطلع حلو ياحلوه